کوئٹہ (مانیٹرنگ ڈیسک) بلوچستان نیشنل پارٹی کے رہنما اور سابق سینیٹر ثنا اللہ بلوچ نے اپنے سوشل میڈیا اکاﺅنٹ پر پوسٹ کرتے ہوئے لکھا ہے کہ بہت سے ممالک میں ایک بین الاقوامی انتخابی مبصر کے طور پر اور اب پاکستان میں عوامی نمائندے کے طور پر، کبھی بھی اس سطح پر ووٹر کی نسل کشی نہیں دیکھی گئی۔ پاکستان کے سیاسی اور آئینی عمل کے جواز اور اعتبار کی سطح کو صفر کی حد تک کم کر دیا گیا ہے۔یقینی طور پر ناقص اور منظم انتخابی انجینئرنگ سماجی، سیاسی اور معاشی بحران کو بڑھا دے گی۔خاص طور پر موجودہ داخلی سیاسی تنازعات اور بحران سے بلوچستان اور مذہبی دھڑے مزید زور پکڑیں گے۔ جائز سیاسی جماعتوں اور نمائندوں کو بے دخل کرنے کے آنے والے دنوں میں بڑے اور سنگین نتائج برآمد ہوں گے۔
