فیلڈ مارشل کی قیادت میں پاکستان نے بھارت کو عبرتناک شکست دی، یادگار فتح معرکہ حق میں کامیابی، شہدا اور غازیوں کی لازوال داستان ہے آصف علی زرداری

اسلام آباد: صدر مملکت آصف علی زرداری نے کہا ہے کہ فیلڈ مارشل کی قیادت میں پاکستان نے بھارت کو عبرتناک شکست دے کر تاریخی کامیابی حاصل کی۔

انہوں نے کہا کہ معرکۂ حق میں پاکستان کی فتح قومی تاریخ کا ایک یادگار باب ہے۔

صدر مملکت کے مطابق یہ کامیابی شہدا اور غازیوں کی لازوال قربانیوں اور بہادری کی داستان ہے۔

انہوں نے کہا کہ قوم اپنے شہدا اور غازیوں کی قربانیوں کو ہمیشہ یاد رکھے گی۔

صدر زرداری نے کہا کہ پاکستان کی مسلح افواج نے دشمن کے عزائم کو ناکام بنا کر ملکی دفاع کا شاندار مظاہرہ کیا۔

انہوں نے کہا کہ معرکۂ حق کی کامیابی پوری قوم کے لیے باعث فخر ہے اور یہ قومی اتحاد و عزم کی علامت ہے۔

صدر مملکت نے شہدا کو خراج عقیدت اور غازیوں کو سلام پیش کرتے ہوئے کہا کہ قوم ملک کے دفاع کے لیے ہمیشہ متحد رہے گی۔