بلوچستان ایک بہترین سیاحتی مقام

یوں ہی جھالاوان خضدار سے قریباً 65 کلو میٹر دور مولا کے علاقے میں پایا جانے والا آبشار جسے چٹوک کہا جاتا ہے۔ سیاحوں کا ان جیسے دلفریب اور خوبصورت جگہوں سے بے خبر رہنا تعاجب کی بات ہے۔ یہی نہیں بلکہ زیدی، ساسول، چارو مچھی کی ٹھنڈی آبشار، پیر عمر، پیر ابرھیم، اور بہت سے ایسے جگہیں موجود ہیں جو اپنے اصل میں جنت کے مانند انسانی عقل کو محسور کرنے والے ہیں! سوال پیدا ہونے لگتا ہے کہ سیاح پاکستانی ہو یا غیر ملکی، کہی ڈالرز خرچ کرکے دنیا بھر کا چکر لگانے کو تیار مستعد کھڑے ہیں تو وہی سیاح بلوچستان میں پاۓ جانے والے ان مقامات تک آنے کو زحمت کیوں نہیں کرتے جہاں کوہِ ہربوئی کی سینہ تانے کھڑا پہاڑ، گرمیوں میں بھی چشموں سے ٹھنڈی، میٹھی پانی اور کپکپی پیدا کرنے والی ہوائیں انسانی روح کو سکون بخشتے ہیں۔ تو وہی گردو نواں میں گیڑھ بست، پندران، نیمرغ، توک اور قلعہِ میری کی تاریخی ملبہ ہے جو اپنے زمانے کی سب سے بڑی عمارت ہونے کا شرف پاکر غالباً ہزار کمروں پر محیط ہوا کرتا تھا۔ انہیں نایاب تاریخی اور یادگار جگہوں پہ پکنک منانے کا اپنا الگ ہی رنگ رلیاں ہیں مگر خواہشِ ناتمام! سیاحوں کو بھلا کون ان دلکش قدرتی نظاروں اور ایک مظلوم قوم تک پہنچنے دیگا ورنہ اس سرزمین میں جتنے سیاحتی مقامات ہیں تو اتنے ہی تاریخی اور ماضی سے جڑے قلعے، جگہیں پاۓ جاتے ہیں۔ بلوچستان کے دارلحکومت کوئٹہ اور گردونواں میں قدرت کے حسن و رنگوں کی بات کی جاۓ تو ہر خاص و عام کے چہریں پر خنک چاندنی بکھیرنے کیلے بس اتنا کافی ہوگا کہ انہیں 1980 میں نیشنل پارک کا درجہ پانے والی چلتن پارک کی سیر کروائی جاۓ جو قدرت کے حسن کا ایک شہکار پہاڑی سلسلہ ہے جسکی ایک جھلک دیکھنے سے ہر زبان زد عام پر عش عش طاری ہونے لگتی ہے۔ وہی ارد گرد ہنا جھیل، بی بی نانی، باسن دیر، خرواری بابا پری جل اور پیر غیب کے مدہوش کرنے والے آبشاراور خوبصورت مناظر دکھاۓ جاۓ کہ جن کو دیکھ کر مؤرخ بھی اس سرزمین کو جنت کی بمصداق سرزمین قرار دینے پہ مجبور ہو۔ سب سے بڑھ کر باباۓ قوم، بانیِ پاکستان قائدِ اعظم محمد علی جناح کی آخری جاۓ گزار جہاں انہوں نے اس قوم کو ایک آزاد ریاست سے نوازہ تو وہی اپنے آخری ایام میں زیارت میں رہہ کر یہ تاریخ بھی رقم کردی کہ بلوچستان کی آب و ہوا سے بڑھ کچھ نہیں۔ جہاں زیارت میں پاۓ جانے والے گنے جنگلات کے بیچو بیچ قائد ریزیڈینسی، کیڈٹ کالج اور دل میں سماں جانے والے سرد اور جگنوؤئی چاندنی راتوں کا سیاحوں کو متوجہ نا کرنا اس سرزمین کو نظر انداز کرنے کے منہ بولتا ثبوت ہے۔