اعصام الحق نے آئی ٹی ایف ماسٹرز ورلڈ چیمپئن شپ کا مکسڈ ڈبلز ٹائٹل جیت لیا
اعصام الحق نے نینا ہرمن کے ساتھ شاندار کھیل کا مظاہرہ کرتے ہوئے مکسڈ ڈبلز ورلڈ ٹائٹل اپنے نام کرلیا۔
پاکستانی جوڑی نے فائنل میں پرتگال کی ٹاپ سیڈ جوڑی فریڈ گل اور ریٹا فریٹاس کو 6-4، 6-3 سے شکست دے کر گولڈ میڈل حاصل کیا۔
دوسری جانب مینز ڈبلز کے فائنل میں اعصام الحق اور عقیل خان کو فرانس کے جیکس گلے اور ژاں بپٹسٹ رینالٹ کے ہاتھوں شکست کا سامنا کرنا پڑا۔
آئی ٹی ایف ماسٹرز ورلڈ چیمپئن شپ میں پاکستان نے مجموعی طور پر 4 میڈلز حاصل کیے، جن میں ایک گولڈ، 2 سلور اور ایک برونز میڈل شامل ہے۔
عقیل خان نے 40 پلس مکسڈ ڈبلز میں جرمنی کی ایلین اراناس روتھ کے ساتھ برونز میڈل جبکہ اعصام الحق اور عقیل خان نے مینز 45 پلس ڈبلز میں سلور میڈل جیتا۔