ٹوکن ٹیکس نادہندگان کے خلاف ایکسائز کا آپریشن

ٹوکن ٹیکس نادہندگان کے خلاف ایکسائز کا آپریشن، 500سے زائد گاڑیاں پکڑیں
نادہندگان سے ایک کروڑ 28لاکھ 47ہزار 175روپے موقع پر ہی وصول کئے گئے‘محکمہ ایکسائز
لاہور (االجزیرہ ویب ڈیسک) غیر رجسٹر گاڑیوں اور ٹوکن ٹیکس نادہندگان کے خلاف محکمہ ایکسائز کا فیلڈ آپریشن جاری ہے۔سیکرٹری ایکسائز مسعود مختار کی خصوصی ہدایت پر غیر رجسٹر گاڑیوں اور ٹوکن ٹیکس نادہندگان کے خلاف آپریشن جاری ہے، ساتویں روز صوبے بھر میں 35سے زائد مقامات پر 10ہزار 8گاڑیوں کی چیکنگ کی گئی، 380گاڑیاں غیر رجسٹر نکلیں، 1043گاڑیوں کا ٹوکن ٹیکس ہی ادا نہیں کیا گیا تھا۔نادہندگان سے ایک کروڑ 28لاکھ 47ہزار 175روپے موقع پر ہی وصول کئے گئے، غیر نمونہ نمبر پلیٹس کے ساتھ چلنے والی 590گاڑیاں بھی قابو میں آئیں۔ڈی جی ایکسائز اینڈ ٹیکسیشن عمر شیر چٹھہ نے کہا کہ محکمے کی جانب سے یہ کارروائیاں عوامی مفاد میں ہیں، غیر نمونہ نمبر پلیٹس کے ساتھ ہرگز سفر نہ کریں، ٹوکن ٹیکس بروقت ادا کریں۔