سٹریٹجک ڈائیلاگ اینڈ لانچ آف ڈویلپمنٹ ایڈووکیٹ پاکستان کی تقریب سے خطاب کرتے ہوئے احسن اقبال نے کہا کہ حکومتوں کی تبدیلی کے ساتھ پورا پالیسی فریم ورک بدل دیا جاتا ہے، جس کے باعث وژن 2020 اور وژن 2025 جیسے منصوبے بھی سیاسی تبدیلیوں کی نذر ہو گئے۔
انہوں نے کہا کہ پاکستان کا سب سے بڑا چیلنج ٹوٹا ہوا سماجی و اقتصادی ڈھانچہ ہے، پائیدار ترقی کے لیے اقتصادی اور سماجی شعبوں میں ہم آہنگی، تعلیم، صحت، آبادی، نوجوانوں اور خواتین پر سرمایہ کاری ناگزیر ہے۔
احسن اقبال کا کہنا تھا کہ رواں سال پاکستان کی آبادی تقریباً 26 کروڑ تک پہنچ چکی ہے، جبکہ آبادی پر قابو نہ پایا گیا تو 2050 تک یہ تعداد 37 سے 38 کروڑ ہو سکتی ہے، موسمیاتی تبدیلی کے باعث پانی اور خوراک کا تحفظ بھی شدید خطرات سے دوچار ہے۔