ایران پر نئی امریکی پابندیوں کے اعلان سے قبل عالمی منڈی میں خام تیل کی قیمتوں میں ایک فیصد سے زائد کمی ریکارڈ کی گئی۔ برینٹ خام تیل کی قیمت تقریباً 1.3 فیصد کمی کے بعد 93.17 ڈالر فی بیرل جبکہ امریکی خام تیل ڈبلیو ٹی آئی تقریباً 1.4 فیصد کمی کے بعد 85.86 ڈالر فی بیرل پر آ گیا۔
ماہرین کے مطابق سرمایہ کار نئی پابندیوں کے ممکنہ اثرات اور مشرقِ وسطیٰ سے تیل کی رسد پر پڑنے والے اثرات کا جائزہ لے رہے ہیں، جس کے باعث عالمی تیل مارکیٹ میں اتار چڑھاؤ برقرار ہے۔
