امریکی صدر ڈونلڈ ٹرمپ نے امریکا میں پیدائش پر شہریت کے حق کو مزید محدود کرنے کی ایک اور کوشش کرتے ہوئے نیا ایگزیکٹو آرڈر جاری کردیا ہے۔
نئے حکم نامے کے تحت غیر امریکی شہریوں کے امریکا میں پیدا ہونے والے بچوں کو خودکار طور پر شہریت دینے سے متعلق قوانین کو مزید سخت کیا گیا ہے۔ صدر ٹرمپ نے اس سلسلے میں نئے ایگزیکٹو آرڈر پر دستخط بھی کر دیے ہیں۔
ٹرمپ نے اپنے سابقہ ایگزیکٹو آرڈر کے خلاف امریکی سپریم کورٹ کے فیصلے کو “بدقسمت” قرار دیتے ہوئے کہا کہ ان کی انتظامیہ پیدائشی شہریت سے متعلق پالیسی میں مزید اصلاحات کے لیے اقدامات جاری رکھے گی۔
یاد رہے کہ صدر ٹرمپ نے جنوری 2025 میں بھی پیدائشی شہریت کو محدود کرنے کے لیے ایک ایگزیکٹو آرڈر جاری کیا تھا، تاہم 30 جون 2026 کو امریکی سپریم کورٹ نے اس اقدام کو مسترد کرتے ہوئے قرار دیا تھا کہ یہ حکم نافذ نہیں کیا جا سکتا۔