قلات میں ایک ارب بیس کروڑ کی لاگت سے تعمیر کیے جانے والے روڈ پر ناقص میٹریل کا استعمال

قلات کی یوسی تاوا کے چیئرمین حفیظ اللہ مینگل نے اپنے بیان میں کہا ہے کہ قلات میں ایک ارب بیس کروڑ کی لاگت سے تعمیر کیے جانے والے روڈ پر ناقص میٹریل کا استعمال کیا جارہا ہے، مذکورہ پراجیکٹ میں بڑے پیمانے پر کرپشن کا منصوبہ بنایا گیا ہے۔

سڑک کی تعمیر میں ایک ارب روپے غبن کرکے صرف 20 کروڑ روپے خرچ کیے جائیں گے۔ اس حوالے سے نشاندہی کے باوجود کوئی ایکشن نہیں لیا گیا جبکہ مذکورہ ٹھیکیدار کو کہا گیا تو وہ الٹا دھمکیوں پر اتر آیا۔

حفیظ اللہ مینگل نے مزید کہا کہ مذکورہ منصوبے میں کچھ لوگ اپنا حصہ لے چکے ہیں اور اس حوالے سے کہیں بھی کوئی شنوائی نہیں ہورہی۔ ایکسین بی اینڈ آر اور ایم پی کی ملی بھگت سے منصوبے پر کام جاری ہے۔

انہوں نے وزیراعلیٰ بلوچستان، سیکرٹری بی اینڈ آر اور دیگر حکام سے نوٹس لیتے ہوئے مطالبہ کیا کہ مذکورہ منصوبے میں ناقص میٹریل کا نوٹس لیتے ہوئے متعلقہ حکام سے باز پرس کی جائے۔