بلوچستان میں نفرت بڑھتی جار ہی ہے عسکری توپوں سے مسائل حل نہیں ہوں گے،سردار اختر مینگل

سردار اختر مینگل نے کہا کہ ہم پی ڈی ایم کا حصہ ہیں جو فیصلے ہوئے اس پر اتفاق رائے کیا ہے، عدم اعتماد پر بھی پہلے بھی میٹنگ ہوئیں اس پر اتفاق ہوگیا اب آگے کیسے بڑھانا ہے ہوم ورک مکمل کر لیا ہے۔ عدم اعتماد پر ہوم ورک مکمل کرکے عملی جامہ پہنایا جائے گا۔

 بلوچستان سے زیادتی کی وجہ سے حالات خراب ہوئے،اب وقت ہوچکا ہے زیادہ دیر نہ ہو، دیر ہونے سے بلوچستان میں نفرت بڑھتی جار ہی ہے،شورش 72سالہ اقدامات کی وجہ سے ہے۔

اب تو تبدیلی کے نام سے چڑ ہو گئی ہے،اب اس تبدیلی سے چھٹکارا حاصل کرنا ہوگا۔بلوچستان کا مسئلہ سیاست سے حل ہوگا،عسکری توپوں سے مسائل حل نہیں ہوں گے، متفق ہیں بلوچستان کے مسئلے کو سیاسی طورپر حل کیاجائے، بلوچستان میں لا پتہ افراد ہزاروں کی تعداد میں ہیں انہیں رہا کیاجائے