کراچی میں پریس کانفرنس کرتے ہوئے مراد علی شاہ کا کہنا تھا کہ جب وزیراعظم اپنے عہدے سے ہی ہٹ جائیں گے تو صدر کیسے انہیں عہدہ رکھنےکا کہہ سکتے ہیں۔
مراد علی شاہ کا کہنا تھا کہ آئین کا آرٹیکل چورانوے واضح طور پر کہتا ہےکہ اگر وزیراعظم خود استعفیٰ دیتا ہے تو صدر نئے وزیراعظم کے منتخب ہونے تک مستعفی وزیراعظم سےکام کرنےکو کہہ سکتے ہیں تاہم آئین کے مطابق تحریک عدم اعتماد کی کامیابی کے بعد وزیر اعظم پرائم منسٹر آفس رکھنے کے مجاز نہیں۔