پاکستان پیپلز پارٹی کے مرکزی رہنما اور سابق وزیراعلیٰ بلوچستان نواب ثناء اللہ خان زہری نے سابق سینیٹر نصیب اللہ خان بازئی کے انتقال پر گہرے دکھ اور افسوس کا اظہار کیا ہے اپنے تعزیتی بیان میں نواب ثناء اللہ خان زہری نے کہا کہ مرحوم نصیب اللہ خان بازئی نے سیاسی کارکن اور رہنما کی حیثیت سے بلوچستان کے لیے گراں قدر خدمات انجام دیں۔ وہ ایک شریف النفس، باوقار اور عوام دوست شخصیت تھے جن کی سیاسی و سماجی خدمات کو ہمیشہ یاد رکھا جائے گا۔ سابق وزیر اعلی نواب ثناء اللہ خان زہری نے مرحوم کے درجات کی بلندی اور مغفرت کے لیے دعا کرتے ہوئے کہا کہ اللہ تعالیٰ انہیں جوارِ رحمت میں جگہ عطا فرمائے اور سوگوار خاندان کو صبر و ہمت دے۔
