نادرا رجسٹریشن سینٹرز میں عوام کو بہتر سہولیات فراہم کرنا اولین ترجیح ہے، ڈی جی نادرا
نادرا رجسٹریشن سینٹرز میں عوام کو بہتر سہولیات فراہم کرنا اولین ترجیح ہے، ڈی جی نادرا
نادرا آفس دشت اور مستونگ میں مزید ایک ایک کاونٹر کا اضافہ کردیا گیا ہے، محمد کاشف اقبال
مستونگ (الجزیرہ ویب ڈیسک) ڈائریکٹر جنرل نادرا بلوچستان محمد کاشف اقبال نے سوموار کے روز بلوچستان کے ضلع مستونگ اور انکے تحصیل دشت کے نادرا رجسٹریشن سینٹرز کا اچانک دورہ کیا۔سینٹرز میں موجود سائلین سے مسائل دریافت کئے۔ ڈائریکٹر جنرل نادرا محمد کاشف اقبال نے نادرا رجسٹریشن آفس مستونگ میں خواتین کیلئے مزیدایک اور پروسیسنگ کاونٹر قائم کردیا جس سے کام میں مزید تیزی آئیگی نادرا آفس مستونگ انچارج کو مذکورہ سینٹر میں عوام کو بیٹھنے اور صاف پانی کی فراہمی کا حکم دیا۔دریں اثناء ڈائریکٹر جنرل محمد کاشف اقبال نے این آر سی دشت کا بھی دورہ کیا جہاں انہوں نے رجسٹریشن سینٹر کے مختلف شعبوں کا معائنہ اور آفس کی باؤنڈری وال کا تفصیلی جائزہ لیا۔ ڈی جی نے سائلین کے مشکلات اور مسائل سنے۔ڈی جی نادرا نے مذکورہ سینٹر میں خواتین اور ضعیف العمر فراد کے بیٹھنے کیلئے الگ انتظار گاہ بنانے کا اعلان کرتے ہوئے کہا کہ لوکل گورنمنٹ سے مشاورت کے بعد مذکورہ سینٹر کی چار دیواری کو مزید وسیع کیا جائیگا۔