اسلام آباد: ملک میں بجلی کی قیمت میں ایک روپے 11 پیسے فی یونٹ اضافہ کردیا گیا ہے، جس کا باقاعدہ نوٹیفکیشن جاری کردیا گیا۔
بجلی کی قیمت میں یہ اضافہ ماہانہ فیول پرائس ایڈجسٹمنٹ کی مد میں کیا گیا ہے، جس کا اطلاق صارفین کے بجلی کے بلوں پر ہوگا۔
نوٹیفکیشن کے مطابق اضافے کے بعد صارفین پر اضافی مالی بوجھ پڑے گا، تاہم لائف لائن صارفین پر اس اضافے کا اطلاق نہیں ہوگا۔
ذرائع کے مطابق بجلی کی نئی قیمتوں کا اطلاق مقررہ مدت کے دوران صارفین کے بلوں میں کیا جائے گا۔